شهادات البنوك المصري 2025 الجديدة شهادة بنك مصر البنك الاهلي القاهرة cib قناة السويس
في ظل التضخم اللي بيرتفع تاني بشكل ملحوظ، البنوك في مصر بتتنافس في تقديم شهادات إدخار بعوائد مغرية لجذب المودعين، سواء كانوا أفراد بيدوروا على دخل ثابت أو مستثمرين كبار بيدوروا على أعلى عائد ممكن من مدخراتهم ومن خلال بوابة سعودي اون بنستعرض أحدث الشهادات اللي نازلة في السوق المصري خلال أبريل 2025.
شهادات البنك الأهلي المصري
البنك الأهلي لسه محافظ على مكانته في سوق الشهادات، وبيقدم نوعين أساسيين:
- الشهادة البلاتينية: بعائد 21.5% سنويًا، وبيتم صرف العائد شهريًا , الشهادة دي مناسبة للناس اللي عايزة دخل شهري منتظم.
- الشهادة الثلاثية ذات العائد المتناقص:
- 30% في السنة الأولى
- 25% في السنة التانية
- 20% في السنة التالتة
الحد الأدنى للشراء: 1000 جنيه
الشهادة دي بتخدم الناس اللي عايزة عائد عالي في البداية وميهمةش الانخفاض التدريجي بعد كده.
شهادات بنك مصر 2025
بنك مصر مش بيبعد كتير عن البنك الأهلي، وبيقدم نفس الشهادات تقريبًا:
- شهادة القمة: بعائد 21.5% سنويًا، العائد شهري.
- الشهادة الثلاثية المتناقصة: بنفس نسب العائد في كل سنة، والحد الأدنى برضه 1000 جنيه.
اللي يميز بنك مصر هو الانتشار الكبير وسهولة التعامل معاه في معظم المحافظات.
شهادات بنك القاهرة 2025
بنك القاهرة اختار يلعبها بطريقة مختلفة وقدم شهادة:
- شهادة بريمو: بعائد ثابت 20% سنويًا، والصرف شهريًا.
الحد الأدنى لشراء الشهادة: 10,000 جنيه.
الشهادة دي بتناسب اللي مش بيحب التغيير في العوائد وبيفضل الثبات والوضوح من أول يوم.
شهادات بنك قناة السويس 2025 أعلى عائد
لو بتدور على عائد شهري مرتفع:
- شهادة ثلاثية: بعائد شهري 22%،
والحد الأدنى للشراء: 1000 جنيه.
البنك بيستهدف شريحة كبيرة من الناس اللي عايزة عائد كويس شهري من غير ما تحط مبالغ ضخمة.
شهادة بنك QNB 2025
الشهادة اللي بيقدمها بنك QNB مش لأي حد:
- شهادة ثلاثية: بعائد 22% شهري
بس الحد الأدنى للشراء: 5 ملايين جنيه.
الشهادة دي معمولة لرجال الأعمال أو المستثمرين الكبار اللي عايزين يستفيدوا من الفلوس بدل ما يسيبوها مركونة.
البنك التجاري الدولي (CIB)
CIB بيطرح 3 شهادات مختلفة بتناسب كل شريحة:
- شهادة بريميوم: عائد 20% سنويًا، الحد الأدنى: 1 مليون جنيه
- شهادة بلس: عائد 19% سنويًا، الحد الأدنى: 500 ألف جنيه
- شهادة برايم: عائد 18% سنويًا، الحد الأدنى: 100 ألف جنيه
الشهادات دي مناسبة للي معاهم سيولة متوسطة أو كبيرة، وبيحبوا يتعاملوا مع بنك خاص معروف بالاحترافية والخدمات السريعة.
لو بتفكر تحط فلوسك في شهادة إدخار، السوق دلوقتي فيه فرص كويسة جدًا، سواء كنت بتدور على عائد ثابت أو متغير، شهري أو سنوي، ومهما كانت قدرتك المالية، هتلاقي منتج يناسبك والأهم إنك تقارن بين البنوك وتختار الأنسب لاحتياجاتك وظروفك.
