ماتنفسش كتير ماتشات مولعه نار النهارده ونجوم كبار فـ الميدان شوف مين بيلعب مع مين وامتي
النهارده اليوم كله كوره × كوره وجماهير القاره السمراء والعالم كله مستنيين الماتشات دي بفارغ الصبر اول حاجه الساعه 3 العصر، نيجيريا هتواجه السنغال عـ بي إن سبورتس 6 HD، وماتش متوقع يبقي ناري وملئ بالإثاره و الأهداف، والنجوم الكبار فـ المنتخبين جاهزين يقلبو الدنيا.
وبعدها، الساعه 6 المغرب هتلعب مصر قدام غانا، الاتنين في نفس التوقيت مصر × غانا عـ بي إن سبورتس 6 والمغرب × سيراليون عـ بي إن سبورتس 8 جمهور مصر مستني يشوف الأداء القوي من شباب الفراعنه، وخاصه بعد المستوى الحلو في الفتره اللي فاتت.
الساعه 9 بالليل، جنوب افريقيا تواجه الكونغو الديمقراطيه، والماتش ده كمان عـ بي إن سبورتس 6 في نفس الوقت تقريبا، الدوري السعودي بيولع الهلال هيلعب ضد العروبه الساعه 7 05 عـ SSC، وبعدها الاخدود ضد النصر الساعه 9.
وفي اوروبا، فينيزيا هتلعب ضد فيورنتينا عـ أبوظبي بريميوم الساعه 7 30، وأتالانتا ضد روما الساعه 9 45، وماتشات الدوري الايطالي دايمًا بتكون مشتعله اما في المغرب، شباب المحمديه هيواجه الرجاء الساعه 10 بليل عـ الرياضيه المغربيه.
ماتنسوش تحضرو فشاركم وكوبايه الشاي الليله دي مش عاديه خالص
