الأهلي بيجهز مفاجأه ورا الماتش كوستا على راس القائمه والتفاوض شغال
الأهلي شغال فـ صمت وعايز يحسم موضوع المدرب الجديد بسرعه، بعد رحيل كولر عن تدريب الفريق بسبب خروج مؤلم من دوري أبطال افريقيا وبيقولو إن الأهلي حاطط عينه على الألماني من أصل يوغسلافي كوستا رونيايتش، وده اللي حالياً مدرب أودينيزي الإيطالي.
المدرب عنده 54 سنه وسبق له تدريب فرق معروفه فـ ألمانيا زي ميونيخ 1860 وكايزرسلاوترن، وكمان درب بوجون شتشيتسين في بولندا 5 سنين قبل ما يروح ليجيا وارسو، وفاز معاهم بالكأس والسوبر، وبعدها راح أودينيزي.
دلوقتي الأهلي داخل فـ مفاوضات معاه وبيحاولو يوصلو لاتفاق بخصوص الفلوس، العرض الحالي من الأهلي مليون ونص يورو سنويًا، والمدرب طالب 2 5 مليون، مع إنه بياخد 750 ألف يورو دلوقتي مع ناديه الحالي.
المصدر اللي اتكلم رفض يذكر اسمه، لكن قال إن الأهلي عايز يعلن عن المدرب بعد ماتش البنك الأهلي الجاي يوم السبت، لإن كوستا هينهي مشواره مع أودينيزي يوم 25 ضد فيورنتينا فـ ختام الدوري.
ولو المفاوضات فشلت، الأهلي ممكن يرجع للمدرب البرتغالي جوزيه جوميز مدرب الفتح، بس هو أخر الخيارات بصراحه.
