تشابي ألونسو خلاص قرب ريال مدريد بيجهز للمونديال من دلوقتي
ريال مدريد قرر خلاص، وعيونه دلوقتي كلها على تشابي ألونسو مدرب باير ليفركوزن الألماني، علشان يتولى تدريب الفريق الملكي بداية من كاس العالم للأنديه 2025 الصحف الإسبانيه، خصوصاً ماركا قالت إن الإداره مش هتعيّن مدرب مؤقت بعد رحيل أنشيلوتي، واللي متوقع يمشي بنهايه الموسم ده بعد خساره كل البطولات.
خساره الكلاسيكو قدام برشلونه 4-3 كانت القشه اللي قسمت ظهر البعير، وخلاص أنشيلوتي فقد المنافسه على الدوري، والإداره مش شايفه فايده من استمراره.
تشابي كان أعلن من فتره إنه هيمشي من باير ليفركوزن بنهايه الموسم، وده خلى اسمه يطلع بقوه في الميديا، خصوصًا بعد شغله العالي مع الفريق الألماني واللي خلاهم ينافسو عـ البطولات.
الريال عايز يبدأ المشروع الجديد بدري، علشان يلحق يجهز نفسه لمجموعته في كاس العالم للأنديه، اللي فيها الهلال السعودي، باتشوكا المكسيكي، وسالزبورج النمساوي.
الجماهير متحمسه لرجوع تشابي للنادي، بس المره دي كمدرب مش لاعب والأيام الجايه هتبين إذا كانت الصفقه هتتم رسمي ولا لأ.
