مبابي راجع وبقوه فـ سباق الحذاء الذهبي بعد هاتريك الكلاسيكو
النجم الفرنسي كيليان مبابي رجع الصوره بقوه فـ سباق الحذاء الذهبي الأوروبي، بعد ما سجل هاتريك خرافي فـ مرمى برشلونه فـ الكلاسيكو اللي خسره ريال مدريد 4-3، بس رغم الخساره مبابي سرق الأضواء.
بـ الهاتريك ده، مبابي وصل لـ 27 هدف فـ الدوري الإسباني، وبقى متصدر هدافي الليجا متفوق على ليفاندوفسكي بـ هدفين والأهم إنه دخل المراكز الأولى فـ ترتيب الحذاء الذهبي، وبقى في المركز التالت ورا محمد صلاح وفيكتور جيوكيريس.
الترتيب دلوقتي بيقول
جيوكيريس من سبورتنج لشبونه في الصداره بـ 38 هدف (57 نقطه)، بعده صلاح بـ 28 هدف (56 نقطه)، وبعدين مبابي بـ 27 هدف (54 نقطه).
كين وليفاندوفسكي وراهم بـ 25 هدف، وريتيجي 24، إيزاك 23، وبيريث وديمبلي وهالاند فـ المركز العاشر بـ 21 هدف.
مبابي عنده كمان 3 ماتشات في الدوري قدام مايوركا، إشبيليه وسوسيداد، يعني لسه فرصه كبيره يتقدم أكتر.
الحذاء الذهبي بيحسب بس أهداف الدوري، وكل هدف في الدوريات الخمسه الكبيره يساوي نقطتين.
تفتكر مبابي يقدر يعدّي صلاح فـ الآخر
