صبحي قرب يرجع لحراسة مرمى الزمالك قبل موقعة بيراميدز المنتظره
محمد صبحي حارس الزمالك بدأ يرجع واحده واحده لتدريبات الفريق، بعد فتره غياب بسبب إصابه فـ رسغ اليد، وشارك في جزء من مران الفريق اللي اتعمل يوم الأحد، وده بيأكد إنه قرب يبقى جاهز.
مصدر من داخل النادي قال إن صبحي بقى جاهز طبياً وإنه ممكن يكون فـ حسابات الجهاز الفني فـ ماتش بيراميدز اللي جاي، بس لسه في شوية تجهيزات بدنيه قبل ما يتم الدفع بيه بشكل أساسي.
الدكتور محمد أسامه، رئيس الجهاز الطبي، كان مركز معاه قوي فـ المران وبيتابع حالته لحظه بلحظه علشان يطمن على استجابته للبرنامج العلاجي واللي تم تخصيصه ليه.
صبحي مكنش مشارك فـ تمرين السبت بسبب قرار من الجهاز الطبي، بس دلوقتي حالته أحسن بكتير.
الزمالك بيستعد حاليًا للمواجهه المرتقبه ضد بيراميدز يوم التلات فـ الجوله السادسه من المرحله النهائيه فـ الدوري المصري الممتاز، وموقف صبحي هيكون مهم فـ تشكيل الفريق خصوصًا إن اللقاء ده ممكن يكون حاسم فـ سباق المركز التاني.
تفتكر جوميز هيدفع بصبحي ولا لسه بدري
