تشابي ألونسو جاهز لتحدي كأس العالم مع ريال مدريد وأحلام كبيرة
واضح إن تشابي ألونسو داخل على نار وهو بيتجهز لقيادة ريال مدريد في كأس العالم للأندية اللي هتتلعب في أمريكا، ودي فرصة كبيرة للمدرب الشاب اللي بيريز شايف فيه أمل جديد للنادي.
القرار كان مفاجئ شوية، خصوصًا إنه هيستلم الفريق بدل الطاقم المؤقت، بس باين إن الرئيس ناوي يقلب الطاولة قبل البطولة!
ألونسو عنده 3 تغييرات محورية ناوي ينفذهم فورًا، وده باين قد إيه هو جاي بخطة مش هزار وأول تغيير، إنه عايز اللعب يبقى جماعي أكتر، فيه سيطرة وتنظيم، مش كل واحد يلعب لوحده ومع الكواليتي اللي في الريال، ده ممكن يحصل بسهولة لو الكل التزم.
تاني حاجة، عايز يرفع الخطوط، يعني الفريق يضغط قدام وينظم دفاعه كويس، بدل ما يرجع كتير ويتعب في المرتدات. ودي بصراحة مشكلة الريال في كذا ماتش كبير، فالتحسين هنا هيكون فرق كبير.
أما التغيير التالت، فهو باين عليه بيدور على “قائد” حقيقي فـ نص الملعب، لاعب يكون عينه على الكل، ويسيطر على الرتم، ويحمّس اللعيبة وقت الزنقة وفكرة ذكية وبتخلي كل لاعب في الوسط يحاول يثبت نفسه، خصوصًا مع مدرب زي تشابي كان وسط عبقري في أيامه.
تشابي سايب ليفركوزن بعد ما بقى رمز هناك، ورايح يواجه أكبر تحدي فـ مشواره كمدرب وبس باين إنه مش جاي يتفرج، ده جاي يعيد الهيبة الأوروبية للملكي، والكلام مش قليل لما يطلع من واحد كان بيلعب في نص الملعب بعقل مايسترو.
