الليله الكوره هتولع على ملعب “المملكة أرينا”، لما الهلال يستضيف العروبة في الجولة 31 من دوري روشن السعودي وماتش مش عادي، خصوصًا إن الهلال لسه بيطارد الاتحاد على الصداره، والفارق بينهم 6 نقاط بس، يعني أي تعثر ممنوع!
محمد الشلهوب، اللي ماسك القيادة الفنية بشكل مؤقت، ناوي يكمل مشواره بانتصار جديد، والماتش بالنسباله مهم عشان يفضل الفريق في جو المنافسه، ويضغط أكتر على الاتحاد وجمهور الهلال متحمس، وبيحلم بريمونتادا في آخر الجولات لو حصل تعثر من المتصدر.
من الناحيه التانية، العروبة مش جايه تتفرج، الفريق بيصارع الهبوط، والمدرب الإسباني أنطونيو كازورلا عايز يخطف ولو نقطة، عشان يبعد شويه عن منطقة الخطر ومعاه لعيبة مهمين زي السوري عمر السومة، والإسباني كريستيان تيو، والأردني مهند أبو طه، وكلهم عندهم خبره ممكن تفرق في الماتش ده.
تاريخيًا، الكفة رايحه للهلال. في 5 مواجهات قبل كده، فاز الهلال 4 مرات وسجل 15 هدف، والعروبة كسب مره واحده بس وسجل 4 أهداف وأكبر نتيجه كانت لما الهلال دخل خماسيه في شباك العروبة!
بس الكوره مافيهاش كبير، واللي هيلعب برجوله هو اللي هياخد اللي هو عايزه وفهل الهلال هيفرض كلمته؟ ولا العروبة هيقلب التوقعات؟ هنشوف ده كله الليله!
شارك المقال
أحدث الأخبار
أخبار ذات صلة
صلاح ومرموش وعاشور يتألقون في التشكيل الرسمي لمنتخب مصر قبل مواجهة السنغال المثيرة
كيف يتابع المدرس مباريات الفريق الوطني في أمم أفريقيا؟ كريم شحاتة يكشف التفاصيل
بنزيما يواجه وعكة صحية لكنه يظهر بروح القيادة قبيل مباراة ضمك القادمة
وزير الرياضة وحسن شحاتة يعززان حماس لاعبي منتخب مصر قبل مواجهة السنغال الحاسمة
تأزم موقف النصر بعد أحداث 6 فبراير، والهلال يضغط بأحدث تحركاته للعودة للمنافسة
