منتخب شباب مصر قدام موقعة ناريه قدام غانا عشان حلم المونديال
بيستعد منتخب مصر للشباب إنه يخوض مباراه مصيريه النهارده، قدام منتخب غانا، في دور التمنيه من بطولة أمم أفريقيا تحت 20 سنة، واللي بتتلعب على ستاد السويس الجديد، الساعه 6 مساءً.
المنتخب بتاعنا تأهل من دور المجموعات كأحد أفضل التوالت، بعد ما احتل المركز التالت في مجموعته، وراح عنه فرصة الصداره والوصافه اللي خطفتهم جنوب أفريقيا وسيراليون. بس لسه الأمل كبير في التأهل لكأس العالم 2025 اللي هيتلعب في تشيلي.
شباب الفراعنه بيحلمو بالرجوع لكأس العالم بعد غياب دام 12 سنه، وآخر مره كنا موجودين كانت سنة 2013 في تركيا. ولو عدينا غانا ودخلنا المربع الدهبي، يبقى الحلم خلاص قرب يتحقق.
منتخبنا عاوز يستغل الأرض والجمهور عشان يرجع ذكريات زمان، وتحديدًا سنة 1991، لما لعبنا البطولة هنا في مصر وطلعنا غانا وقتها من نفس الدور، وكملنا لحد ما خدنا اللقب.
أسامة نبيه مدرب الفريق طالب اللاعبين ينسو الأداء الباهت في المجموعات، ويركزو في مباراة النهارده عشان نرجع نرفع اسم مصر تاني.
الماتش هيتذاع على beIN Sports HD 6 وأون تايم سبورت الأرضي.
