برشلونة على بُعد خطوة من لقب الليغا والتتويج ممكن من الكنبة!
بعد الفوز الكبير على ريال مدريد، برشلونة بقى قريب جدًا من لقب الدوري الإسباني، والفارق دلوقتي سبع نقاط مع تلات جولات بس على نهاية الليغا ويعني من الآخر، البارسا محتاج فوز واحد بس من التلات ماتشات اللي باقيين عشان يحسم اللقب رسمي.
بس المثير فـ الموضوع إن اللقب ممكن ييجي حتى من غير ما يلعبوا! لو ريال مدريد خسر قدّام مايوركا، الفارق هيفضل 7 نقاط، وساعتها هيتبقى بس 6 نقاط فـ الدوري، يعني لقب البارسا يتحسم وهم قاعدين على الكنبة في بيوتهم!
حتى لو الريال اتعادل، برضه مش هيكفيه، لأن فارق المواجهات المباشرة والأهداف في مصلحة برشلونة، وده يخلّي التتويج مسألة وقت مش أكتر.
السيناريو الغريب هنا، إن لاعيبة فليك ممكن يحتفلوا من الشاشه قبل ما ينزلوا يواجهوا إسبانيول في الجولة اللي بعدها. والماتش ساعتها هيكون شكلي بس، لإن التتويج هيكون حصل خلاص.
لكن السؤال اللي بيشغل الكل دلوقتي: هل لاعيبة إسبانيول هتعمل ممر شرفي لبرشلونة؟! الموضوع حساس جدًا، خصوصًا بعد التتويج المؤلم اللي حصل على ملعبهم قبل كده، واللي جماهيرهم لسه مش ناسيينه.
هي لحظة تاريخية قربت، وعيون الكتالونيين على الشاشات، يمكن يفرحوا من قبل ما الكورة تتلعب تاني ويا ترى التتويج هيحصل بإيدهم؟ ولا من غير تعب؟
