أهم أخبار الكره المصريه من امبارح زيزو وماييلي والأهلي وكأس العالم
يوم امبارح الأحد كان مليان أخبار كوره مهمه في مصر، وكان في كلام كتير حوالين لعيبة الزمالك والأهلي وكمان تغييرات في جدول الدوري.
أول حاجه، مصدر من الزمالك نفى تمامًا استدعاء أحمد زيزو لأي تحقيق جديد، وقال إن الكلام ده مالوش أي أساس من الصحه ومن ناحيه تانيه، محمد صبحي حارس الزمالك قرب يرجع للمباريات بعد ما شارك في جزء من تمرينات الفريق.
وفي خبر تاني، أعلنت رابطه الأنديه غياب المهاجم فيستون ماييلي عن ماتش بيراميدز ضد الزمالك، بسبب الإيقاف ومن ضمن الأخبار، فيه اتجاه قوي لتعديل مواعيد الجوله السادسه فالدوري بسبب الحر الشديد اللي ممكن يضر اللاعبين.
أما بالنسبه للأهلي، فالنادي بيستعد للمشاركه في كأس العالم للأنديه في أمريكا، بس فيه تسع لاعيبه موقفهم لسه مش محسوم وده بسبب شروط اللائحه.
الزمالك كمان بيخطط للمستقبل، وبيفكر يجيب توني بيوليس، مدرب ستوك سيتي السابق، كمدير رياضي، وممدوح عباس أكد إن الراجل جاي القاهره يدرس الوضع.
وفي البرازيل، رئيسة نادي بالميراس قالت إنهم جاهزين يواجهوا ميسي ومش رايحين أمريكا يتفسحوا.
