نابولي يتعادل مع جنوى ويفرط في نقطتين غالين قدام جماهيره
نابولي ضيع فوز كان في المتناول بعد ما اتعادل 2-2 قدام جنوى على ملعب دييجو أرماندو مارادونا، ضمن الجوله 36 من الدوري الإيطالي الفريق دخل اللقاء بقوه وسجل هدف أول بدري في الدقيقه 15 عن طريق لوكاكو بعد تمريره ممتازه من ماكتوميناي، اللي كان من نجوم المباراه.
بس جنوى مقدرش يسكت، وتعادل في الدقيقه 32 برأسيه من المدافع الشاب أهانور، واللي حارس نابولي ميريت اتعامل معاها بشكل غريب وسكنت الشباك.
في الشوط التاني، نابولي رجع للمباراه وسجل هدف تاني عن طريق راسبادوري في الدقيقه 64، بعد ما استلم كوره من ماكتوميناي وسددها بقوه.
لكن في الدقيقه 84، جون فاسكيز مدافع جنوى سجل هدف التعادل من رأسيه قويه برضه، ورجع اللقاء لنقطه البدايه.
كده نابولي بقي رصيده 78 نقطه ولسه في الصداره، بس إنتر ميلان استغل التعادل وقلص الفارق لنقطه واحده أما جنوى فرفع رصيده لـ40 نقطه وبقي في المركز 13.
نابولي محتاج يراجع نفسه لو عايز يفضل في صراع الدوري للآخر.
