لطيفه تقترح جولات بدور الثقافه وتأكد مصر هي بلدي الحقيقيه
قالت النجمه لطيفه في مدخله تلفزيونيه إنها جات مصر من 40 سنه، وتربت في حضن الثقافه المصريه، وأكدت إن مفيش حاجه تغذي عقل الطفل زي القراءه، خصوصا في ظل عصر التكنولوجيا اللي مسيطر على الكل.
لطيفه وضحت إنها اتعلمت المسرح والمزيكا من دور الثقافه، ومستعده تعمل جولات في كل المحافظات من خلال وزاره الثقافه، وقالت أنا فعلا من قلبي مستعده أزور كل محافظه وأشارك في أي نشاط ثقافي يفيد الأطفال
زعلت لطيفه من الأخبار اللي بتتكلم عن إغلاق مكتبات، وشايفه إن ده شيء محزن جدا، لأن دور الثقافه ليها دور مهم في بناء الأجيال الجديده كمان اقترحت فكره مكتبات على الشواطئ والمصايف علشان الناس تقرا وهما في أجازتهم.
قالت كمان إن الأطفال دلوقتي ماسكين الموبايل طول الوقت، ولازم نرجعهم للكتب عشان نربي جيل واعي ومثقف وأكدت إن دي مبادره منها كنوع من رد الجميل لمصر، وإنها مش طالبه مقابل من الجولات دي، ومستعده تغني في المحافظات ببلاش.
في الآخر، لطيفه قالت أنا حاسه إن مصر بلدي الحقيقي، ومنها بدأ حلمي، ومش لوحدي، في فنانين كتير نفسهم يعملوا كده
