برشلونة يحقق 13 مليون يورو في الكلاسيكو بخطة تسويقية مجنونة
في خطوة ممكن ناس كتير تعتبرها مجنونة، برشلونة قدر يحقق أكتر من 13 مليون يورو كدخل صافي من الكلاسيكو الأخير اللي اتلعب امبارح والسبب؟ خطة تسويقية ذكية جدًا نفذها النادي على مراحل ونجحت بشكل كبير!
في البداية، النادي باع 20٪ من التذاكر بسعر عادي، حوالي 200 يورو، وبعدها فجأة قرر يرفع الأسعار للضعف، تبقى التذكرة بـ400 يورو.
بس الغريب بقى إن القصة موقفتش هنا، لأ، لابورتا قرر يرفع الأسعار تاني، والمرة دي الأسعار وصلت لـ900 وحتى 1450 يورو لبعض الأماكن!
الناس ممكن تشوف الموضوع استغلال أو جشع، لكن من الناحية الاقتصادية، برشلونة لعبها صح وفي ظل الأزمة المالية اللي النادي بيمر بيها من فترة، الخطوة دي تعتبر ضربة معلم من الفريق التسويقي، وقدرت تضيف مبلغ ضخم لخزينة النادي في ليلة واحدة بس.
اللي حصل بيأكد إن الإدارة الحالية بتفكر بشكل تجاري بحت، ويمكن ده اللي محتاجينه فعلًا علشان النادي يقدر يتجاوز أزمته المالية ويستمر في المنافسة على البطولات.
