كارمن بصيبص شخصيه جديده وجريئه فى فيلمها إن غاب القط
كشفت الفنانه كارمن بصيبص إنها بتكمل تصوير دورها فى فيلمها الجديد إن غاب القط اللى بيجمعها لأول مره بالنجم آسر ياسين، وقالت إن الشخصيه اللى بتقدما جديده ومختلفه تمامًا عن كل اللى قدمته قبل كده، وفيها مزيج بين الكوميديا والأكشن، ولوكها فيها هيكون مفاجأه للجمهور.
وأكدت كارمن إنها مبسوطه جدًا بالتعاون مع فريق العمل، وكلهم بيشتغلو بروح حلوه، وإنها متفائله إن الفيلم يعجب الناس لما يتعرض.
الفيلم أحداثه بوليسيه لكن بشكل كوميدي، وبيحكي عن سرقة لوحه مهمه من متحف، وآسر ياسين بيجسد دور عامل بسيط بيتورط فى الجريمة، وبتساعده أسماء جلال اللى بتجسد دور صاحبته، وبيرتبوا الجريمه بطريقه ذكيه.
الفيلم بيشارك فيه نجوم زي محمد شاهين، رحاب الجمل، سامي مغاوري، سماح أنور، وغيرهم، ومن تأليف أيمن وتار المعروف بأسلوبه الساخر.
وكانت آخر أعمال كارمن فى مسلسل نظرة حب مع باسل خياط فى رمضان اللى فات، وقبله البريئة أما آخر أفلامها فكان العارف مع أحمد عز واللى اتعرض سنة 2021.
