الحكم السابق يكشف أسرار الكلاسيكو: طرد تشواميني كان لازم يحصل!
ماتش الكلاسيكو اللي كان امبارح بين برشلونة وريال مدريد خلّى الجماهير كلها تتكلم، وخصوصًا عن التحكيم اللي ناس كتير شايفين إنه كان فيه قرارات غريبة. الماتش خلص 4-3 للبارسا، بس بعده طلع الحكم الإسباني السابق إدواردو إيتورالدي غونزاليس على إذاعة كادينا سير وشرح كل حاجه حصلت.
هدف فيرمين الملغي والمفاجأة داخل غرفة الـVAR
في الهدف اللي اتلغى على فيرمين، فيه ناس سمعوا واحد من غرفة الـVAR بيقول “menos mal” اللي معناها “الحمد لله” وطبعًا الكلمه دي عملت قلق، بس إيتورالدي قال إن الشخص ده غالبًا كان فرحان إنهم شافوا اللمسة الصح، لإنه كان ممكن تعدي منهم ويعني مفيش نيه تحيّز ولا حاجه، حسب كلامه يعني.
تسلل مبابي وركلة الجزاء اللي اتطالب بيها
قال الحكم إن مبابي فعلا كان في تسلل، بس الحكم شايف إن كوبارسي كان ممكن يسيطر على الكوره، وده حسب القانون بيخلي التسلل مش محسوب، لإن اللعبه تعتبر اتجددت.
لمسة دي يونغ قبل هدف برشلونة التاني
الناس سألت عن لمسة يد من دي يونغ قبل هدف البارسا، بس إيتورالدي قال إنها مش في نفس الهجمه، لإن الكوره تنقلت كذا مره وده بيخلي الـVAR مالهوش دعوه.
تدخل فالفيردي مع لامين
اللقطه دي كانت مثيره، بس الحكم شايف إن لامين هو اللي دخل على فالفيردي، ومفيش نيه خالص من فالفيردي إنه يأذيه وفشاف إن اللعبه طبيعيه.
تدخل تشواميني العنيف
دي كانت أوضح حاله حسب كلام إيتورالدي. قال بصراحه إن تشواميني كان لازم يتطرد، التدخل كان قوي وخطير، وكون إن الكوره كانت طالعه ركنيه مش مبرر.
لمسة اليد من تشواميني
برضو ناس كتير طالبت بركلة جزاء، بس الحكم السابق وضّح إن يد تشواميني كانت في وضع طبيعي، ومش لازم تكون لازقه في الجسم على طول، المهم الوضع العام، وهو شايف إنها مش ركلة جزاء.
في الآخر، إيتورالدي شاف إن معظم القرارات ممكن تبريرها بالقانون، بس الطرد اللي ماحصلش لتشواميني هو الخطأ الحقيقي الوحيد.
بصراحه، مهما الحكم قال، الكلاسيكو دايمًا هيخلي الناس تتكلم… وده اللي بيخليه كلاسيكو أصلًا!
