لامين جمال يخطف الأضواء ومينديز بيطالب بالكرة الدهبيه ليه
خورخي مينديز، وكيل أعمال الموهوب لامين جمال، فجّر تصريح ناري وقال إن موكله يستاهل ياخد الكره الدهبيه السنه دي، وأكد إنه “أفضل لاعب في العالم حالياً”، وكلامه مش جاي من فراغ.
في تصريحات نقلتها “موندو ديبورتيفو”، قال مينديز بالحرف: “لامين جمال يستحق الكره الدهبيه، وده واضح لأي حد بيتفرج على الكوره. الموسم اللى بيقدمه إستثنائي”.
وفعلاً، الولد ده عامل موسم خرافي، لعب 52 ماتش، جاب 16 جول وصنع 24، والأهم إنه دايمًا بيظهر في اللقطات الكبيره، زي هدفه ف الريال لما كسبوهم 4-2. الماتش ده كان بالنسبه له إثبات إنه مش مجرد موهبه صغيره، لأ، ده نجم تقيل من دلوقتي.
الجماهير الكتالونيه بقت شايفاه أمل المستقبل، والإعلام العالمي كله بيتكلم عنه، وفكره إنه ينافس على جايزه زي الكره الدهبيه ف السن ده، ده لوحده حاجه مش طبيعيه.
سواء خد الجايزه أو لا، اللي عمله لامين السنه دي يخليه من أفضل اللعيبه ف العالم فعلًا. ومين عارف؟ ممكن يبقى أول لاعب ياخد الكره الدهبيه وهو لسه مراهق!
