تشابي ألونسو قرب يستلم تدريب الريال والإعلان الرسمي قريب جدًا
الصحفي كارلوس رودريغيز كشف إن مكاتب ريال مدريد دلوقتي فيها حركه كبيره ونقاشات شغّاله على قدم وساق بخصوص الإعلان الرسمي عن رحيل كارلو أنشيلوتي، وتعيين تشابي ألونسو كمدرب جديد للفريق.
الإداره محتاره تعلن القرارين مع بعض، ولا تفصلهم وتخلّي كل واحد له وقته وتغطيته الإعلاميه. لكن المؤكد إن تشابي ألونسو هيستلم المهمه من يوم 1 يونيو، ووقع بالفعل على عقد لحد سنة 2028.
ده يعني إن تشابي راجع بيته، بس المره دي كقائد مش كلاعب، وده بيمثّل بدايه مرحله جديده تمامًا في تاريخ الريال بعد سنين من الاستقرار تحت قياده أنشيلوتي.
ألونسو بيحمل آمال كبيره من الجمهور، خصوصًا بعد النجاحات اللى عملها مع باير ليفركوزن، والجماهير متحمسه تشوف لمسته على فريق كبير زي ريال مدريد.
دلوقتي كل العيون على إدارة فلورنتينو بيريز، والكل مستني الإعلان الرسمي، اللى هيغيّر شكل الميرينغي ف الموسم الجاي.
