رافينيا قريب جدًا من التجديد مع برشلونه لحد سنة 2029
واضح إن المفاوضات بين رافينيا ونادي برشلونه ماشيه ف الإتجاه الصح، حسب ما قالت صحيفه “موندو ديبورتيفو”، وكل المؤشرات بتقول إن الإعلان عن تجديد عقده لحد 2029 هيكون قريب جدًا.
رافينيا من أول يوم دخل فيه الكامب نو وهو واضح في نواياه، دايمًا بيحط مشروع برشلونه فوق أي حاجه تانيه، حتى لو جاتله عروض أكبر والراجل فعلاً عايز ينجح مع الفريق ده، وده واضح ف كل كلمه وكل تصرف له.
اللاعب البرازيلي شارك لحد دلوقتي ف 141 مباراه بقميص البارسا، سجل فيهم 54 جول وصنع 50، يعني أرقام محترمه جدًا بتعكس تأثيره الهجومي الكبير.
الجماهير شايفه إن رافينيا من الأعمده الأساسيه في الفريق، والتجديد معاه بيأكد إن الإداره عايزه تحافظ على النجوم المهمين، خصوصًا ف ظل المشروع الجديد بقيادة فليك.
الحلم لسه ما اكتملش، بس خطوة تجديد عقد رافينيا هتكون دعم كبير لطموحات النادي ف السنين الجايه.
