فان دايك عن رحيل أرنولد: هنفتقده بس دي كورة القدم
قائد ليفربول، فيرجيل فان دايك، عبّر عن حزنه الشديد بعد تأكيد رحيل زميله وصديقه في الفريق ترينت ألكسندر أرنولد مع نهاية الموسم الحالي.
وقال فان دايك ف تصريحات بعد المباراة: “كلنا زعلانين إنه مش هيكمل معانا، ترينت بالنسبالي واحد من أميز اللاعيبه اللي شوفتهم، عنده قدرات خاصه محدش يقدر ينكرها، وسبع سنين هنا كانت كفايه تخليه واحد من رموز الفريق.”
فان دايك ماوقفش عند كده، وكمل كلامه: “لسه قدامنا ماتشين وهنحاول نركز فيهم، بس أكيد هنحس بغيابه لما يمشي وبس في الآخر، دي كورة القدم، وكل لاعب بياخد القرار اللي شايفه مناسب ليه ولعيلته.”
قائد الريدز كان واقعي جدًا وهو بيتكلم، ووضح قد إيه هو متفهم لقرار أرنولد، حتى لو كان مؤلم للفريق والجمهور.
ترينت ألكسندر أرنولد، اللي يعتبر من أفضل أظهرة العالم في آخر كام موسم، قرر يمشي بعد رحلة طويله مع ليفربول، حقق فيها بطولات كبيره زي دوري الأبطال والدوري الإنجليزي.
الكل حاسس إن الفريق هيخسر كتير بخروجه، بس الواضح إن القرار نهائي، وعايزين بس يودعوه بأفضل طريقه ممكنه.
