كنده علوش مش بجرى ورا النجوميه وعمرو يوسف سندي دايمًا
كندة علوش قالت إن مشوارها الفني عمره ما كان هدفه النجوميه، لكن دايمًا بتحط قلبها وروحها في كل شخصيه بتعملها وأكدت إنها دايمًا بتدور على المعنى والرساله، مش بس الظهور وخلاص، وعشان كده بترفض كتير من الأدوار اللي مش بتلمسها من جوا.
وقالت كمان إن بعد ما بقت أم، بقيت تختار أعمالها بعنايه أكتر، لأن بيتها وأسرتها بقت في الأولويه، ومابقتش تهمها الشهرة قد ما يهمها الدور الحقيقي اللي بيحركها من جواها.
وأشارت إنها بدأت حياتها في مجال الإخراج قبل التمثيل، وكانت دارسه إخراج مسرحي، وبدأت التمثيل بالصدفه مع المخرجه رشا شربتجي، وإن فيلم ولاد العم مع المخرج شريف عرفة كان نقله كبيره ليها، وخلّاها تستقر في مصر وتبقى جزء من الوسط الفني.
وعن الستات في السينما، كندة شايفه إن في تقدم، بس لسه الست محتاجه فرص أكتر علشان تقدر تقدم فن مختلف بصدق.
وفي الآخر، قالت عن جوزها عمرو يوسف إنه دايمًا دعم ليها، ووجوده في حياتها بيطمنها ويشجعها، وده بينعكس على شغلها كله.
وختمت كلامها بشكر لجمهورها اللي دايمًا بيشجعها وبيآمن بيها.
