اتفاقيه تعاون جديده بين WATCH IT و iQiyi بحضور كبار المسؤولين
شهد فندق ماريوت مينا هاوس يوم الاحد حفل توقيع شراكه جديده ما بين منصه WATCH IT المصريه ومنصه iQiyi الصينيه، واللى حصلت في احتفاليه كبيره قدام الاهرامات، وبحضور رسمي وإعلامي من الجانبين.
الاحتفاليه كانت بعنوان الصين ليله حب بكين وبتعتبر خطوه مهمه في طريق التعاون الثقافي والترفيهي بين مصر والصين، خصوصا في مجالات الديجيتال والميديا.
الاستاذه نشوى جاد الحق، رئيس مجلس اداره WATCH IT، كانت على رأس الحضور المصري، بجانب خالد عبدالعزيز، رئيس المجلس الاعلى لتنظيم الاعلام، وكمان السفير الصيني في القاهره والوزيره تساو شومين من الصين.
وفي نفس التوقيت، كانت أعمال WATCH IT متصدرة نسب المشاهده، زي مسلسل ولاد الشمس اللى في المركز الاول، وبعده الكابتن و وتقابل حبيب وكمان الشرنقه وقلبي ومفتاحه
المسلسلات دي متنوعه جدا، من بطوله نجوم كبار زي احمد مالك، اكرم حسني، ياسمين عبدالعزيز، آسر ياسين، ومي عز الدين وده بيوضح قد ايه المنصه قدرت تجذب جمهور كبير من مصر والوطن العربي، ونجحت فعلاً في تقدم محتوى يناسب كل الاذواق.
