الهلال يواصل مفاوضاته مع أوسيمين واللاعب رافض عرض ضخم
كشفت صحف تركية النهارده الصبح عن تطورات جديده في موضوع انتقال النيجيري فيكتور أوسيمين، مهاجم نابولي، إلى الهلال السعودي، خصوصًا مع اقتراب بطولة كأس العالم للأندية.
التقارير قالت إن كل اللي بيتقال عن حسم الصفقة مش دقيق، وإن الهلال فعليًا قدم عرض للاعب براتب 30 مليون يورو في السنة لكن المفاجأة إن أوسيمين طالب براتب 40 مليون!
منصّة “Gala Haber” ذكرت إن في اجتماع مهم هيحصل يوم الأربعاء الجاي بين مسؤولي الهلال ووكلاء اللاعب علشان يحاولوا يقربوا وجهات النظر.
الجدير بالذكر إن أوسيمين كان رافض قبل كده عرض أكبر من الهلال بنفس القيمة اللي طالب بيها دلوقتي (40 مليون يورو)، وفضّل ساعتها يكمل في أوروبا، على سبيل الإعارة مع جالطة سراي التركي من نابولي.
الهلال عايز يعزز صفوفه بأي شكل قبل البطولة العالمية، وأوسيمين يعتبر هدف ذهبي، بس لسه المفاوضات ما وصلت لنقطة اتفاق.
هل الهلال هيرضى بشروط اللاعب؟ ولا الصفقة هتطير تاني؟
