لبلبه عادل امام عمره ما اتكرر واتمنى امثل معاه تاني
قالت الفنانه الكبيره لبلبه إن الزعيم عادل إمام حاله فنيه وإنسانيه مش بتتكرر، وإنها نفسها تشتغل معاه تاني حتي لو في مشهد واحد بس، عشان في بينهم تفاهم وكيميا كبيره جدًا.
وأكدت في إنها وعادل اشتغلوا سوا في 14 فيلم، وكل مره كانت تجربه جديده ومليانه حب وضمير في الشغل، ووصفت عادل بأنه دقيق جدًا وبيحترم زمايله وبيطلع أحسن ما عندهم، ومفيش مره حست منه بغيره أو منافسه مش شريفه.
قالت كمان إنها زارته في عيد ميلاده الأخير وإنه كويس، وبتضحك معاه زى زمان، ونفت أي كلام بيتقال عن حالته الصحيه، وأكدت إنه زي ما هو دايمًا دمه خفيف وبيطمن على الكل.
ومن ناحيه تانيه، اتكلمت عن الصعوبات اللى واجهتها في حياتها بسبب الفن، وقالت إنها رفضت جوازات كتير عشان الناس ماكانتش بتتقبل طبيعة شغلها، وقالت ناس قالتلي إزاي عادل إمام يحضنك بس هي اختارت الفن بإرادتها ومندمتش لحظه.
واختتمت كلامها وقالت إن الجمهور هو سر استمرارها وإنها لسه بتدور على أدوار جديده توري الناس طاقه لسه ما انكشفتش.
