الأوبرا تستعد لحفل أم كلثوم ضمن عام كوكب الشرق الفني
تستعد دار الأوبرا المصريه، برئاسة د علاء عبدالسلام، لتنظيم حفل غنائي كبير لكوكب الشرق أم كلثوم وده ضمن فعليات عام أم كلثوم اللى أعلنته وزارة الثقافه بعد مرور 50 سنه على وفاتها.
الحفل هيكون يوم الأربع الجاى 14 مايو الساعه 9 بالليل على المسرح الكبير بدار الأوبرا فى القاهره، وهيقوده المايسترو د محمد الموجى مع فرقته الموسيقيه، وهيشارك فيه مجموعه من نجوم الغنا زي ريهام عبدالحكيم، ورحاب عمر، وحنان الخولى.
وبيتضمن الحفل مجموعة من أجمل أغانى الست اللى محفوره فى وجدان الجمهور، وبيعود ريعه لصندوق نقابة العاملين فى الأوبرا.
دار الأوبرا أعلنت إن التذاكر خلصت بالكامل وده بيأكد إن الجمهور لسه عطشان لفن الزمن الجميل وأم كلثوم لسه ليها مكان فى قلوب الناس.
فيه تعليمات كمان لحضور الحفل زى الدخول قبل العرض بساعة، ولبس رسمي إلزامي (جاكيت وكرافتة)، وممنوع دخول الأطفال أقل من 7 سنين، وكمان مفيش تصوير ولا استبدال أو استرجاع للتذاكر، وبمجرد بدء العرض مفيش دخول غير وقت الاستراحه.
ويُذكر إن وزير الثقافه د أحمد فؤاد هنو أعلن شهر فبراير اللى فات إن 2025 هو عام أم كلثوم
