كريم عبد العزيز بيفاجئ الجمهور بـ فيلم جديد غامض ومثير المشروع X
بيرجع النجم كريم عبدالعزيز للسينما بقوة من خلال فيلمه الجديد المشروع X واللي بيقدم فيه تجربة مختلفه تماماً عن أي حاجه عملها قبل كده، الفيلم بيجمع بين الدراما التاريخيه والأكشن والإثاره وكمان بيغوص فى عالم مليان أسرار وغموض.
كريم بيجسد شخصيه يوسف الجمال وهو عالم مصريات عنده شغف كبير بالحضارة الفرعونيه، وبيبدأ رحله مجنونه للبحث عن إجابه لسؤال محير كل الباحثين هل فعلاً الهرم الأكبر اتبني كمقبره ومن هنا بتبدأ مغامراته اللى بتاخده من قلب الجيزه لحد الفاتيكان، ولأعماق المحيطات، فى مغامره مشوقه مليانه أكشن ومطاردات ومؤامرات عالميه.
الفيلم بيكشف جوانب خفيه عن تاريخ مصر القديم بشكل جديد، وبيستخدم أحدث تقنيات التصوير علشان يخلق جو من التشويق البصري يخلي المشاهد مش قادر يرمش.
المشروع X بيعتبر واحد من أكتر الأعمال المرتقبه وبيوعد الجمهور برحله سينمائيه مختلفه ومليانه مفاجآت، وده بيأكد إن كريم عبد العزيز دايمًا عنده الجرأه إنه يختار حاجه مش معتاده ويقدمها بطريقه تليق بجمهوره الكبير.
