خوسيه ريفيرو على أبواب الأهلي بعد اتفاق نهائي وتوقيع قريب جدا
أخيرا وبعد مفاوضات ماراثونيه، الأهلي قدر يوصل لإتفاق نهائي مع المدرب الإسباني خوسيه ريفيرو، المدير الفني السابق لأورلاندو بايرتس الجنوب أفريقي، علشان يتولى تدريب الفريق الفتره الجايه، وده بعد رحيل السويسري كولر من منصبه.
مصدر كشف إن ريفيرو هيوصل للقاهره خلال ساعات علشان يوقع العقود الرسميه مع القلعه الحمراء، بعد ما أعلن ناديه الجنوب أفريقي أورلاندو رحيله رسميًا عن الفريق.
الأهلي كان حاطط شوية شروط في اختياره للمدرب الجديد، زي إن يكون عنده فكر هجومي، وسنه ميعديش نص الخمسينات، وكمان ميكونش درب منتخبات مؤخرًا، بجانب إنه يوافق على سقف مالي معين. وريفيرو كان من ضمن قائمه المرشحين اللي استوفت الشروط دي.
اللي أكد كمان إن الأهلي مالوش دعوه بإعلان أورلاندو رحيله في ٣ أبريل، وإن التواصل الحقيقي بدأ بعد رحيل كولر مباشرة، ومن ساعتها والإداره شغاله بكل قوه علشان تخلص مع الراجل.
المدرب الإسباني من المتوقع ييجي معاه تلات مساعدين علشان يشكلوا الجهاز الفني الجديد، وده لو تم التوقيع الرسمي خلال الساعات القادمه.
