خوسيه ريفيرو مدرب جديد للأهلي تاريخ وإنجازات من أفريقيا
أخيرًا قرب الأهلي يعلن التعاقد مع الإسباني خوسيه ريفيرو، اللي لمع نجمه مع فريق أورلاندو بايرتس الجنوب أفريقي، بعد ما قدم معاهم موسم استثنائي توج فيه بـ5 بطولات في سنتين بس.
ريفيرو، اللي اتولد في مدينة فيجو سنة 1977، جه لأورلاندو وقت الفريق كان بيعاني، ومقدرش يوصل حتى لدور المجموعات في دوري أبطال أفريقيا، وكان دايمًا في ظل ماميلودي صن داونز لكن الراجل اشتغل في صمت ورجع النادي للواجهة من جديد، وكسب احترام الكل.
المدرب عنده فلسفة كروية مميزة، بيعتمد على طريقة 3-4-3، وبيعرف يغير خططه بسرعة حسب كل ماتش، وساعات بيحولها لـ4-2-3-1، كل ده مع انضباط تكتيكي وشغل عالي من اللعيبة، خصوصًا على الأجناب والهجوم.
ريفيرو قال في تصريحات قبل كده إنه ما بيحبش يقعد أكتر من 3 سنين في نادي، علشان ميحصلش ملل واللاعيبة تفضل متحفزه وده ممكن يكون سبب اختياره للأهلي بعد ما خلص مشواره مع أورلاندو بايرتس.
المدرب متوقع يوصل القاهرة قريب علشان يوقع العقود، وهيجيب معاه تلات مساعدين الجمهور الأحمر متحمس ومستني بداية المشوار الجديد مع ريفيرو.
