أندية مجموعة الهبوط تتفق على إلغاء الهبوط نهائي الموسم دا
في خطوة مفاجئة، كل أندية مجموعة الهبوط بالدوري المصري اتفقت بالإجماع على ضرورة إلغاء الهبوط الموسم ده، وده في ظل النظام الجديد اللي اتقسمت فيه الفرق لـ مجموعتين بعد نهاية الدور الأول.
الاتحاد المصري لكرة القدم أعلن إنه هيعقد اجتماع يوم 20 مايو مع رؤساء الأندية علشان يناقشوا شكل الدوري للموسم الجاي، وكشفت مصادر إن موضوع إلغاء الهبوط هيكون مطروح بقوة خلال الاجتماع.
أندية زي سموحة، الاتحاد، الإسماعيلي، وإنبي وغيرهم شايفين إن الموسم استثنائي وإن مفيش عدالة في فرص البقاء، علشان كده شايفين إن الهبوط السنة دي هيكون ظلم.
وليد صلاح من نادي زد اقترح كمان نصعد 4 فرق من القسم التاني وننزّل 7 الموسم الجاي، علشان نرجع العدد لـ18 فريق.
أيمن الشريعي رئيس إنبي كمان قال لو هنلغي الهبوط، يبقى نلغي كمان تتويج البطل، ودي كانت مفاجأة.
كل الأندية قالت رأيها وبتستنّى القرار النهائي من اتحاد الكورة اللي ممكن يقلب شكل الدوري كله رأسًا على عقب.
