أيمن الرمادي يتكلم عن ماتش بيراميدز ويؤكد الزمالك مش بيفرّط
أيمن الرمادي مدرب الزمالك فتح قلبه وتكلم عن المواجهه اللي هتجمع فريقه مع بيراميدز بكرة على استاد القاهرة ضمن الجولة السادسه من مرحلة الحسم بالدوري الممتاز، وقال إن كل ماتش دلوقتي بقى نقطه فارقه في مشوار الفريق، ومش عايز يتكلم عن عامل الوقت، بس عنده ثقه كبيره إن اللعيبه هتغير من شكل الفريق.
وأكد إن الزمالك لازم يستغل كل ثانيه في التمرين، وإن اللعيبه كبار وبيمثلوا نادي كبير ولازم يبان ده في الأداء، وقال كمان إن المصابين وجودهم بره الفريق وضع مش طبيعي.
وكشف إن ناصر ماهر لسه محتاج شوية وقت، وصبحي رجع للتمرين، والجفالي هيبقى جاهز قريب.
الرمادي رفض الكلام اللي بيتقال إن الزمالك مش هيلعب بجديه بسبب بعده عن المنافسه، وقال إن الزمالك نادي كبير وميصحش الكلام ده، وإن الفريق هيلعب بكل قوته عشان يفوز ويشرف النادي.
واختتم كلامه إنه بعد ماتش بيراميدز حاطط برنامج قوي للتدريبات، وممكن يعمل معسكر مغلق خمس أيام علشان يستغل فترة التوقف ويطبّق أفكاره مع الفريق.
