لابورتا يتفق مع فليك وبرشلونة يعلن التمديد بشكل رسمي قريب
برشلونة حسم قراره بشكل نهائي بخصوص مدربه الألماني هانز فليك، واللي قاعد يقدم موسم ممتاز مع الفريق الكتالوني، بعد ما استلم المهمة بداية الموسم خلفًا لتشافي هيرنانديز.
فليك عنده عقد ممتد أصلاً لين صيف 2026، بس الإدارة وعلى رأسها لابورتا قررت ما تنتظر وتتحرك بدري.
منذ يناير الماضي، ولابورتا يحاول يقنع فليك بالتجديد، خاصة إنه بنى فريق شاب واعد، وقدر يرجّع الهيبة لبرشلونة محليًا، ووصل بالفريق لحافة الثلاثية المحلية.
وبحسب شبكة كادينا سير، تم الاتفاق خلاص بين الطرفين على تمديد العقد سنة إضافية، يعني فليك بيستمر مع البارسا لين نهاية موسم 2026-2027.
الاجتماع اللي جمع لابورتا مع فليك ووكيله بيني زاهافي، صار أمس بعد الكلاسيكو في أحد مطاعم برشلونة الشهيرة، وكانت أجواءه إيجابية، وفليك وافق على التمديد لأنه مرتاح للمشروع الرياضي وشايف إنه يقدر يحقق بطولات مع الجيل الجديد.
الإعلان الرسمي عن التمديد بيكون خلال الأيام الجاية.. وفينك يا مشجع مدريد؟ شكلك بتتفرج على مشروع بيكبر قدامك!
