تشيلسي يجهز عرض لأوسيمين ويفكر في بدلاء لو الصفقة فشلت
تشيلسي راجع بقوة لسوق الانتقالات الصيف ده، وهدفهم الأول واضح: فيكتور أوسيمين. حسب موقع “فوتبول ترانسفير”، إدارة البلوز ناوية تبدأ محادثات رسمية مع ممثلي المهاجم النيجيري خلال الأسبوع ده، في محاولة لإنهاء الصفقة قبل ما تدخل أندية تانية على الخط.
أوسيمين اللي لمع بقوة مع نابولي في السنتين اللي فاتوا، يعتبره تشيلسي اللاعب المثالي لقيادة الهجوم الموسم الجاي، خصوصًا بعد موسم محبط هجوميًا في ستامفورد بريدج.
بس، زي ما دايمًا إدارة تشيلسي بتحب تشتغل بخطة (أ) وخطة (ب)، في بدائل جاهزين لو المفاوضات مع أوسيمين ما مشيتش زي ما هما عايزين.
المصادر بتقول إن ليام ديلاب مهاجم إيبسويتش تاون، وأولي واتكينز نجم أستون فيلا، على رادار البلوز كخيارات بديلة.
واتكينز مقدم موسم ممتاز مع فيلا، وسجل أهداف كتير وساعد الفريق يوصل لمراكز متقدمة في الدوري، أما ديلاب فهو موهبة صاعدة ممكن تشكل استثمار على المدى الطويل.
الجمهور مستني يشوف إذا كانت إدارة تشيلسي هتعرف تحسم صفقة أوسيمين، ولا هتروح لخطة الطوارئ وبس الأكيد إن النادي داخل الصيف ده وعينه على مهاجم تقيل يغير شكل الفريق هجومياً.
