برشلونة بيشتغل على 3 تجديدات مهمين قبل نهاية الموسم الحالي
نادي برشلونة شغال على نار هالأيام، وبيحاول يقفل 3 ملفات تجديد مهمة قبل ما الموسم يخلص، حسب ما كشفته قناة TV3 الكتالونية.
الإدارة الرياضية في البارسا حاطة كل تركيزها على تجديد عقود التلات لاعبين: إريك غارسيا، فرينكي دي يونغ، والحارس فويتشيك تشيزني.
أهم ملف من التلاتة هو تجديد عقد دي يونغ، واللي بيمثل أولوية قصوى للنادي، خصوصًا إنهم بيشتغلوا عليه من فترة طويلة.
الهدف مش بس تمديد عقده، لكن كمان تعديل راتبه ليتماشى مع سلم الرواتب الجديد اللي حاطاه الإدارة علشان تضبط الوضع المالي.
أما بالنسبة لإريك غارسيا، فالنادي شايف إن أداءه الرايق هالموسم يستاهل مكافأة، والتجديد معاه هيكون دفعة معنوية ليه ولسهولة اعتماده في كذا مركز داخل التشكيلة والراجل أثبت نفسه بجدارة في أكتر من مركز، سواء كقلب دفاع أو كظهير أو حتى كلاعب وسط وقت اللزوم.
وبالنسبة لتشيزني، رغم إنه انضم مؤخراً للفريق، بس الإدارة شايفة إنه عنصر مهم في مشروع فليك للموسم الجاي، وعشان كده التجديد معاه داخل ضمن أولوياتهم.
برشلونة واضح إنه مش ناوي يسيب حاجة للصدفة، وبيشتغل من دلوقتي علشان يضمن الاستقرار داخل الفريق، خصوصاً مع تطورات مشروع هانز فليك والهدف الكبير للعودة لمنصات التتويج الموسم الجاي.
