كوفاتش يقود نهائي الأبطال بين إنتر وباريس لأول مره بتاريخهم
أعلن الاتحاد الأوروبي لكرة القدم “يويفا” النهارده الاتنين عن تعيين الحكم الروماني إستفان كوفاتش لإدارة نهائي دوري أبطال أوروبا 2025، اللي هيجمع لأول مره بين إنتر ميلان الإيطالي وباريس سان جيرمان الفرنسي.
إنتر وصل للنهائي بعد ما عدّى برشلونة في نصف النهائي، أما باريس ففاز على أرسنال علشان يحجز مقعده في النهائي هو كمان.
المواجهة دي تاريخية لإنها أول مره الفريقين يتقابلوا في نهائي دوري الأبطال.
اليويفا كمان كشف عن طاقم التحكيم الكامل، وهيكون كوفاتش هو الحكم الرئيسي، ومعاه ميهاي ماريكا وفرينتس تونيوقي مساعدين، وجواو بينهيرو من البرتغال هيكون الحكم الرابع.
أما تقنية الـVAR، فهيكون مسؤول عنها الهولندي دينيس هيغلر، ويساعده كاتالين بوبا من رومانيا.
المباراة هتتلعب على ملعب أليانز آرينا في ميونخ يوم السبت 31 مايو، والجمهور منتظرها بشغف كبير.
إنتر بيحلم باللقب الرابع في تاريخه، وباريس سان جيرمان عايز يحقق أول لقب في تاريخه الأوروبي، فالمواجهة هتكون ناريه ومليانه طموح وتاريخ جديد بين الفريقين.
