النصر يفوز على الأخدود بثلاثيه ويعوض خسارته من الاتحاد
قدر فريق النصر السعودي يحقق فوز مهم على حساب فريق الأخدود بثلاثيه نظيفه، ضمن مباريات الجوله ٣١ من دوري روشن للمحترفين، في مباراة كانت مهمه للجمهور النصراوي بعد الهزيمه من الاتحاد في الجولة اللي فاتت.
المباراة بدأت بسيطرة واضحه من النصر، وسجل الهدف الأول أيمن يحيى في الدقيقة ١٦ بعد هجمه مرتبه، وبعدها بـ٤ دقايق فقط، جون دوران ضاعف النتيجة وسجل الهدف التاني في الدقيقة ٢٠، وأكد الأفضلية الواضحه لفريقه.
في الدقيقة ٢٧، أضاف مارسيلو بروزوفيتش الهدف التالت من تسديده قويه سكنت الشباك، علشان يقتل آمال الأخدود في الرجوع للمباراة بدري بدري.
النصر دخل اللقاء وعينه على مصالحة جماهيره، خصوصًا بعد الخساره المؤلمه من الاتحاد، وفعلاً قدر الفريق يقدم عرض قوي ويرجع لطريق الانتصارات.
وغاب كريستيانو رونالدو عن المباراة بقرار من الجهاز الفني بهدف الراحة والاستشفاء، علشان يكون جاهز للجولة الجايه، اللي النصر أكيد هيحتاج فيها خدماته.
الجمهور خرج مبسوط من أداء الفريق، والنصر بيواصل السعي لإنهاء الموسم بأفضل شكل ممكن.
