دي بروين يختار نابولي ويفضل إيطاليا على العروض المغريه الأخرى
واضح إن النجم البلجيكي كيفين دي بروين قرر يطوي صفحة مشواره الطويل مع مانشستر سيتي، بعد ما قرب عقده ينتهي في ٣٠ يونيو الجاي، وسبق وأكد إنه ناوي يرحل بعد سنين من الإنجازات.
رغم إن اسمه ارتبط بكذا نادي، من بينهم فرق سعوديه وإنتر ميامي الأمريكي وحتى ليفربول اللي طلع مجرد كلام، إلا إن التقارير من “سكاي إيطاليا” حسمت الجدل وأكدت إنه اختار نادي نابولي الإيطالي.
دي بروين شاف إن طريقة لعبه هتكون لايقة مع أسلوب الكوره في الكالتشيو، وكمان اتأثر بكلام مواطنيه لوكاكو وميرتنز اللي لعبوا قبل كده مع نابولي. الراجل باين عليه متحمس يغير الجو ويعيش في إيطاليا مع عيلته.
رغم إن راتبه مع السيتي حوالي ٢٠ مليون يورو بالسنه، نابولي عرضه أقل بكتير – حوالي ٧ مليون مع بونص توقيع – بس دي بروين وافق مبدئيًا وطلب من فريقه يخلصوا المفاوضات قبل ما يدخل إجازته الصيفيه.
الكل مستني مكالمة قريبة بينه وبين المدرب أنطونيو كونتي علشان يحسموا كل التفاصيل، وساعتها ممكن نشوف دي بروين في الكالتشيو لأول مره بقميص نابولي.
