ماتش مصيري للزمالك قدام بيراميدز الليله لإنقاذ الموسم بالكامل
الجماهير المصريه مستنيه مواجهه ناريه النهارده بين الزمالك وبيراميدز، في واحده من أقوى ماتشات الدوري، والماتش ده هيتلعب على ستاد القاهره الساعه 8 بليل، ضمن الجوله السادسه من مرحله التتويج بالدوري المصري الممتاز.
الأهلي في الصداره دلوقتي ومعاه 49 نقطه، وبيراميدز وراه بـ47، والزمالك في المركز التالت بـ41 نقطه الفارس الأبيض لو كسب، هيقلص الفارق لـ3 نقط بس وده هيخليه يرجع ينافس تاني على المركز التاني على الأقل، واللى بيؤهل لدوري الأبطال.
أيمن الرمادي، المدير الفني الحالي للزمالك، عارف كويس إن الفوز هو الحل الوحيد عشان يرجّع الثقه للفريق والجماهير، خصوصا بعد سلسلة تعادلات وآخرها كانت 2-2 قدام سيراميكا كمان الماتش ده يعتبر رد اعتبار بعد الخساره 3-0 من بيراميدز في الدور الأول.
من الناحيه التانيه، بيراميدز داخل الماتش وهو خسر آخر ماتشين، وبيحاول يرجع لمستواه ويثبت إنه لسه في الصوره مع الأهلي، ومش ناوي يسيب فرصه للزمالك إنه يرجع للمنافسه.
يعني الماتش بالنسبه للفريقين حياه أو موت، ومفيش فرصه للتفريط في أي نقطه.
