ريجيكامف يرد على أنباء تدريب الزمالك ويوضح موقفه من الأهلي
كشف الروماني لاورينتو ريجيكامف، المدير الفني السابق لنادي الترجي التونسي، عن حقيقه اهتمام نادي الزمالك بالتعاقد معاه خلال الفتره الجايه، خصوصًا بعد ما النادي أعلن تعيين أيمن الرمادي مدرب مؤقت لحد نهاية الموسم بعد فسخ التعاقد مع جوزيه بيسيرو.
ريجيكامف قال في تصريحات لقناة الأولى الفضائيه خلوا الزمالك يركز دلوقتي على نهائي الكأس، وبعدها ممكن نتكلم في موضوع التفاوض وأكد إن الزمالك مش النادي الوحيد اللى بيفكر يتعاقد معاه، لكن في أنديه تانيه مهتمه.
وأضاف كمان الزمالك من أفضل الأنديه في مصر، وأي مدرب يتشرف إنه يدربه، وأنا بتابع كل مباريات الدوري المصري مش بس الزمالك اللى هيتلعب النهارده، فقال الماتش مهم للفريقين، وبيراميدز هيحاول يكسب علشان يفضل في الصراع مع الأهلي على الدوري وشايف إن نتيجه الماتش ده هتأثر على الفريق في باقي البطولات زي نهائي الكأس أو دوري أبطال أفريقيا.
وختم كلامه وقال اسمي عمره ما ارتبط بتدريب الأهلي، وكل اللى حصل إن وكلاء عرضوا الفكره عليا، وأنا شايف إن تدريب الأهلي أو الزمالك شرف لأي مدرب
