أنشيلوتي قدام ورطه كبيره قبل قيادته لمنتخب البرازيل بالمونديال
كارلو أنشيلوتي، المدرب الإيطالي المخضرم، داخل على صداع كبير بعد ما أعلن الإتحاد البرازيلي لكرة القدم إنه هيمسك تدريب المنتخب يوم 26 مايو الجاي بعد ما يخلص مشواره مع ريال مدريد بس الحكاية مش سهله زي ما الناس فاكره.
أنشيلوتي عنده حوالي 12 ماتش بس قبل كأس العالم 2026، والمشاكل في كل مكان، من الدفاع اللي بيستقبل أهداف كتير، لحد خط النص اللي مش قادر يوصّل الكوره للمهاجمين، غير طبعًا الإعتماد الزايد على نيمار المصاب على طول.
الاتحاد شايفه إنه هيكون المدرب اللى يخلد في التاريخ بس المنتخب في المركز الرابع بتصفيات أمريكا الجنوبيه، وخسر من الأرجنتين 4-1، وكله بسبب ضعف في التشكيله وسوء النتائج.
المدرب بدأ فعلاً يتكلم مع لعيبه كبار زي نيمار وكاسيميرو، بس مفيش بديل واضح ليهم وحتى خط الدفاع فيه مصايب، ومفيش حد يطمنك في مركز الظهيرين، وكمان الصراع شغال بين أليسون وإيدرسون على حراسة المرمى، والإصابات زادت الطين بله.
أنشيلوتي محتاج يلاقي حلول بسرعه، والجماهير البرازيليه مش هتستنى كتير.
