لامين جمال بيخلّي الكل يتكلم عنه بعد الكلاسيكو الكبير
لامين جمال، الولد المعجزة بتاع برشلونة، عامل ضجة كبيرة بعد اللي قدمه في الكلاسيكو الأخير ضد ريال مدريد على ملعب مونتجويك والصحافة الكتالونية ما سكتتش، وخصوصًا صحيفة “سبورت” اللي ما بخلتش في المدح وقالت بالحرف:
“عالم كرة القدم بينحني قدام لامين، أداء نجم روكافوندا في الكلاسيكو ضد ريال مدريد ماعداش كده وخلاص، الكل منبهر!”
والحقيقه؟ معاهم حق! الولد ده عنده 16 سنة وبيعمل حاجات لعيبة كبار لسه ماعرفوش يعملوها، سرعه، مهارة، جرأة، وعنده شخصية في الملعب تخلي أي مدرب يراهن عليه من أول دقيقة.
اللي شاف الماتش عارف قد إيه لامين كان صداع في دماغ دفاع مدريد، بيتحرك في كل حته، بيضغط، بيخلق فرص، وكل لمسة ليه فيها سحر.
برشلونة لقى جوهرة حقيقية، ولو استمر على كده، ممكن يبقى واحد من أعظم اللعيبة اللي شافهم الكامب نو والجماهير خلاص بدأت تعلق عليه آمال كبيرة، والكل بقى مستني يشوف إزاي هيكمل الموسم الجاي.
الرسالة واضحة: لامين مش مجرد موهبة… ده مشروع نجم عالمي، ولسه المشوار في أوله.
