ريال مدريد دخل تمرينات النهاردة وهو ناقص كتير جدًا، وده قبل الماتش اللي جاي قدام ريال مايوركا في الجولة 36 من الدوري الإسباني والفريق غاب عنه 8 لعيبة مهمين، والموضوع بدأ يقلق الجماهير والمدرب أنشيلوتي.
الغيابات شملت: ألابا، فينيسيوس جونيور، فاسكيز، ميليتاو، كارفخال، ميندي، روديغر، وكامافينغا. يعني تقريبًا نص التشكيلة الأساسية برا التمرين!
دي مش أول مرة الريال يتعرض لموجة إصابات، لكن العدد دلوقتي بقى مرعب، خصوصًا في فترة حساسة من الموسم ورغم كده، التمرين كان فيه روح حلوة، لأن عدد كبير من لاعبي الأكاديمية حضروا وباين عليهم الحماس إنهم ياخدوا فرصتهم.
أنشيلوتي واضح إنه بيجهز خطة بديلة لو اضطر يدخل اللقاء من غير العناصر الأساسية، وبيشتغل على دمج الشباب مع الفريق الأول.
الجمهور المدريدي حاليًا مش عارف يفرح بتصدر الليغا ولا يقلق من الإصابات اللي كل يوم بتزيد وبس زي ما الريال دايمًا بيعمل، الفريق هيحاول يتعامل مع الظروف ويطلع بأفضل نتيجة.
ماتش مايوركا مش سهل، بس كل العيون على البدلاء والشباب يشوفوا هيقدروا يسدوا مكان الغايبين ولا لأ.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
