اعلى عائد شهادات بنك مصر الجديدة 2025 بعد قرار البنك المركزي المصري مايو 2025 بالتفصيل
خلال الساعات الأخيرة، بقت شهادات الادخار في البنوك المصرية هي حديث المستثمرين والمواطنين، خصوصًا بعد التخفيض الأخير للفائدة من البنك المركزي المصري بمعدل 2.25%، والناس حاليًا بقت بتسأل باستمرار على أعلى عائد شهادات في السوق، وخصوصا الي بيقدمها بنك مصر , بوابة سعودي اون بتقدملك في السطور الجاية، تقرير مفصل جدًا وواضح عن شهادات بنك مصر الجديدة 2025، علشان تقدر تختار الشهادة الانسب ليك حسب ظروفك ومتطلباتك.
شهادات بنك مصر الجديدة 2025 بعد خفض الفائدة
بنك مصر بيقدم حاليًا اكتر من نوع شهادة استثمارية بعوائد مختلفة تناسب مختلف الشرائح الاستثمارية، وخصوصًا الشهادات الثلاثية الجديدة الي لاقت اهتمام كبير جدًا من العملاء الشهادات دي بتوفر عائد متدرج طوال مدة الاستثمار، مع امكانية صرف العائد بشكل شهري او سنوي.
ربما تشاهد: أفضل شهادات الادخار.. شهادات البنك الأهلي المصري 2025 الجديدة بعد خفض الفائدة
الجدول التالي بيوضح بشكل واضح ومبسط أهم شهادات بنك مصر الجديدة مع نسب العائد بتاعتها النهاردة مايو 2025:
| نوع الشهادة | السنة الأولى | السنة الثانية | السنة الثالثة | صرف العائد |
|---|---|---|---|---|
| الشهادة الثلاثية (متدرجة) | 28% | 23% | 18% | سنوي |
| شهادة ابن مصر | 24% | 20% | 16% | شهري |
الحد الأدنى للاكتتاب في الشهادات دي هو 1000 جنيه ومضاعفاتها.
حساب سوبر كاش جاري من بنك مصر
بنك مصر موقفتش بس عند الشهادات الاستثمارية، لكنه وفر كمان حساب جديد اسمه «سوبر كاش جاري»، الحساب ده هيديلك عوائد تصاعدية هي الاعلى في تاريخ البنك، وبتوصل لحد 23%.
وده جدول يوضح نسب العائد حسب المبلغ في الحساب الجديد ده:
| الرصيد في الحساب | نسبة العائد السنوي |
|---|---|
| من 50,000 الى 100,000 جنيه | 17.00% |
| من 100,001 الى 500,000 جنيه | 17.25% |
| من 500,001 الى اقل من مليون جنيه | 19.50% |
| من مليون الى اقل من 2 مليون جنيه | 20.00% |
| من 2 مليون الى اقل من 10 مليون | 20.50% |
| من 10 مليون الى اقل من 30 مليون | 21.00% |
| من 30 مليون الى اقل من 100 مليون | 22.50% |
| من 100 مليون جنيه فاكثر | 23.00% |
الحساب ده مناسب جدًا للافراد والشركات اللي عايزة توازن بين السيولة اليومية والعائد المرتفع، وكمان بيساعد في تعزيز الادخار والاستثمار بشكل امن.
خبراء مصرفيين بيتوقعو ان خلال الفترة الجاية، السوق هيشهد اقبال كبير من المواطنين والمستثمرين على الشهادات الي بتقدم اعلى عائد، خصوصًا مع توقعات ان البنك المركزي ممكن يثبت اسعار الفايدة في اجتماعه القادم، وده هيشجع كتير من العملاء على وضع مدخراتهم في الشهادات الجديدة.
الجدير بالذكر إن كل المعلومات والتفاصيل اللي عرضناها في التقرير ده من كتابة واعداد بوابة سعودي اون الي دايمًا بتقدم لزوارها ومتابعيها احدث واهم اخبار القطاع المصرفي المصري والعالمي بكل دقة.
