النهارده كوره على مزاجك الأهلي والزمالك وصدامات ناريه كتير
عشاق الكوره المصريه عندهم يوم مولع النهارده التلات، بمواجهات ناريه في الدوري الممتاز موسم 2024-2025 وكمان في كاس السوبر الأفريقي لليد.
الأهلي هينزل ضيف تقيل على سيراميكا كليوباترا الساعه 5 على قناة on sport 1، وده في وقت فاركو هيلاعب المصري على قناة on sport 2.
لكن القمه الكبيره هتكون الساعه 8 لما الزمالك يواجه بيراميدز، في معركه ممكن تقرب حد منهم من لقب الدوري، ودي هتكون على on sport 1، وفي نفس التوقيت البنك الأهلي هيلعب مع حرس الحدود.
في كوره اليد، الزمالك هيلعب ماتش تحديد المركز التالت ضد منتدي درب سلطان المغربي الساعه 5 30، وبعدها في قمة السوبر الافريقي الساعه 10 30 الأهلي هيقابل الترجي التونسي، وكل ده على on sport.
وعشاق الليجا الإسبانيه مش هيتظلمو، في ماتشات جامده النهارده، بلد الوليد ضد جيرونا، وسوسيداد مع سيلتا، وكمان إشبيلية ضد لاس بالماس.
يعني النهارده اللي بيحب الكوره هيلاقي نفسه مش عارف يتفرج على إيه ولا إيه
