الأهلي عينه ع الفوز ومفيش بديل قدام سيراميكا كليوباترا النهارده
النهارده التلات، بيخوض النادي الأهلي ماتش مهم جدًا ضد سيراميكا كليوباترا، وده ضمن الجوله السادسه من مجموعة التتويج بالدوري المصري الممتاز، واللي هيتلعب على ستاد المقاولون العرب.
الأهلي داخل اللقاء ومافيش قدامه غير الفوز علشان يحافظ على صدارة الدوري، خصوصًا بعد ما بيراميدز نزل للمركز التاني وبقى عنده 47 نقطه، بينما الأهلي في المركز الأول بـ49 نقطه المدرب المؤقت عماد النحاس بيقود الفريق بنجاح لحد دلوقتي، وحقق 3 فوزات متتالية قدام بتروجيت، حرس الحدود، والمصري.
من الناحيه التانيه، سيراميكا كليوباترا جاي اللقاء وهو عنده دفعة معنويه بعد ما خطف تعادل قدام الزمالك في آخر دقيقه 2-2، ولسه بيحلم إنه يقدر يشارك أفريقيًا، رغم إن المنافسه صعبه مع البنك الأهلي والمصري اللي قدامه في الترتيب.
الماتش هيبدأ الساعة 5 مساءً، وهيتذاع على قناة on sport، والمواجهات دايمًا ما بين الأهلي وسيراميكا بتكون فيها ندية، لكن الغلبه كانت دايمًا للمارد الأحمر اللي كسب 9 ماتشات من أصل 11، وكان آخرها فوز كبير 5-2.
الأهلي نازل بكل قوته والماتش مش قابل للغلط.
