منتخب شباب مصر يتأهل لكاس العالم بعد الفوز على غانا
منتخب مصر للشباب قدر يحقق إنجاز كبير بعد ما ضمن الصعود لنص نهائي بطولة أمم أفريقيا تحت 20 سنه، وكمان خطف بطاقة التأهل لكأس العالم اللي هيتلعب في تشيلي من 27 سبتمبر لـ 19 أكتوبر 2025.
المنتخب الوطني واجه غانا في دور الـ8، وقدر يتغلب عليه بصعوبة عن طريق ركلات الترجيح، بعد ماتش كان فيه ندية كبيره. الفوز ده مش بس ودّى مصر لنص النهائي، كمان ضمنلنا تواجد في مونديال الشباب اللي جاي.
مصر هتقابل المغرب في ماتش قوي يوم الخميس اللي جاي على ستاد الدفاع الجوي، وده ضمن نص نهائي أمم أفريقيا للشباب، والماتش هيكون فرصه للتأهل للنهائي وحلم التتويج.
المشاركة دي هتكون الأولى لمنتخب الشباب في كاس العالم من سنة 2013، يعني بعد غياب 5 نسخ متتالية وده خلا تصنيفنا في المستوى الرابع في قرعة البطولة، مع منتخبات زي باراجواي وكوبا وجنوب أفريقيا.
المستويات التانيه والتالته فيها منتخبات تقيلة زي فرنسا والبرازيل وأمريكا، بس شباب مصر قدها، والآمال كبيره في تقديم بطولة تليق بالكرة المصرية.
