في وسط الغلاء الجنوني اللي حاصل في أسعار الدهب، ناس كتير بدأت تسأل: ليه مانستثمرش في الفضة؟ هل بقت فعلاً بديل آمن؟ وليه البسطاء ابتدوا يغيّروا اتجاههم من المعدن الأصفر للمعدن الرمادي؟
في الأيام اللي فاتت، شفنا ارتفاع في أسعار الفضة بنسبة 1.6% في السوق المحلي، وده جه بعد ما زادت الأوقية في البورصة العالمية بنسبة 2.3%، وده راجع لحالة التوتر الاقتصادي وتراجع أداء الدولار، وكمان الترقب العالمي لنتايج المفاوضات بين أمريكا والصين.
يعني مثلاً، جرام الفضة عيار 800 زاد 75 قرش وبقى بـ48 جنيه، أما الأوقية فوصلت لـ32.69 دولار بعد ما كانت 31.96 دولار وده لوحده بيقول إن الفضة مش بس بتتحرك مع الدهب، لأ دي كمان بقت وجهة استثمارية جديدة.
واللي شجع الناس أكتر، إن فيه طرح جديد لسبايك فضة بأوزان صغيرة، يعني تقدر تشتري بـميزانيتك، وتبيع بسهولة كمان، وده ساعد في انتشارها وسط المستهلكين العاديين مش بس المستثمرين الكبار.
ليه الفضة بالذات؟
الفضة داخلة في صناعات كتير جدًا، زي السيارات الكهربائيه، والطاقة الشمسيه، والتحاليل والأدوات الطبيه، وده بيخلي ليها استخدامات يومية وطلب مستمر، يعني قيمتها مش هتنهار فجأة.
كمان الفضة دلوقتي بقت ملاذ آمن للناس اللي مش قادره تلاحق أسعار الدهب، ومع كل أزمة اقتصادية أو توتر سياسي، بتلاقي سعرها بيزيد.
طب وإزاي تشتري فضة وانت مطمن؟
أول حاجه بص على علامة مصلحة الدمغه والموازين، واسم الشركة المصنعه على السبيكة، ومتنساش تاخد فاتوره مكتوب فيها الوزن والتاريخ وسعر الشراء، والأهم من كده تشتري من مكان موثوق.
وفيه تقرير قال إن الطلب على الفضة زاد بنسبة 1% يوميًا، وده رقم كبير بيدل إن الناس شايفه فيها فرصة حقيقية.
والخلاصة؟
الفضة بقت استثمار آمن وذكي، خاصة في الأوضاع الحالية، ومع التوقعات إنها هتفضل في صعود خلال الشهور الجاية، سواء محليًا أو عالميًا، فاللي عنده شوية تحويشة ممكن يبدأ بخطوة صغيرة، والفضة ممكن تكون هي البداية.
شارك المقال
أحدث الأخبار
أخبار ذات صلة
من يحق له الحصول على المعاش في مصر؟ شروط الاستحقاق بالتفصيل وفقاً للقانون الجديد
كل ما يخص معاش تكافل وكرامة دفعة ديسيمبر 2025 ومتى يبدأ الصرف الرسمي
بنك مصر والبنك الأهلي يسهّلان فتح الحسابات للمصريين بالخارج عبر مبادرة “افتح حسابك في مصر”
توقيع اتفاقية تعاون لإنتاج الغاز الحيوي بين وزارة البيئة وشركة إيني الإيطالية
الهيئة العامة للمنطقة الاقتصادية لقناة السويس توقع بروتوكول تعاون مع الأكاديمية العربية للعلوم الإدارية والمالية والمصرفية
