راغب علامه يرد على طلاق أردنيه ويقول المحبه مش هستيريا
خرج الفنان راغب علامه عن صمته ورد على الجدل اللي اتقال عليه بخصوص المعجبات، خصوصاً بعد قصه الست الأردنيه اللي اتطلقت بعد ما حضنته في حفله ليه وقال إن الموضوع كله محبه مش هستيريا وإن الناس بتحب تكبر الحاجات وتعمل منها قصص مالهاش أساس.
راغب قال في تصريحات تلفزيونيه الهستيريا كلمه كبيره ومش صح، اللي بيحصل من المعجبين تعبير طبيعي عن محبتهم ومفيش حاجه غلط، الناس بتحبنا وبتعبر بطريقتها وأضاف إنه بيتعرض كتير لتفسيرات غريبه، بس هو مش بيركز على الكلام ده وبيكمل طريقه بنجاح.
وعن قصة الطلاق، قال راغب كل واحد بيقول اللي هو عايزه، بس أنا عارف محبه جمهوري ودي أكبر من أي إشاعات
وكان في راجل أردني طلق مراته لما شافها في فيديو وهي بتستقبل راغب علامه في المطار، وهي كانت رايحه من غير ما تقول له وادعت إنها رايحه لأهلها الفيديو انتشر والراجل اتفاجئ وقرر يطلقها، وقال إنها خبّت عنه وماكانش متوقع تشارك في استقبال نجم بالطريقه دي.
راغب كالعاده اتعامل مع الموقف بهدوء، وأكد إنه بيبادل جمهوره نفس المحبه، وأكتر كمان.
