ماريو سيلفا يرجّع النجمة لدوري المحترفين بعد غياب 23 سنة
المدرب البرتغالي ماريو سيلفا، صاحب الـ48 سنة، قدر يصنع إنجاز كبير مع نادي النجمة، ورجّع الفريق لدوري روشن السعودي للمحترفين بعد غياب طويل إستمر 23 سنة!
الراجل ده مش بس مدرب، ده كان المهندس الحقيقي لعودة “الفارس الأخضر” للساحة، من أول ما مسك الفريق في يوليو 2023 وهو قلب المعادلة كلها.
من ساعتها، النجمة بدأ يلعب كورة حلوة، منظّمة، وعندهم روح قتاليه ما شفناهاش من زمان والفريق مش خسر غير ماتش واحد بس في آخر 16 جوله في دوري يلو، والماتش ده كان قدام فريق نيوم اللي هو كمان صعد معاه لدوري المحترفين.
سيلفا فعلاً بصمته كانت واضحه، قدر يبني فريق قوي، عنده شخصية، وعارف هو عايز يوصل لإيه. والنتايج هي اللي بتتكلم عنه، مش محتاج حد يمدحه، الأرقام هي اللي بتحكي.
جماهير النجمة دلوقتي فرحانين ومبسوطين بالفريق، وحاسين إن ناديهم أخيرًا رجع لمكانه الطبيعي بين كبار الدوري السعودي، بعد سنين من النسيان والمعاناه في الدرجات الأقل.
ومحدش يقدر ينكر إن الفضل الكبير بيرجع للمدرب البرتغالي ده اللي عارف يغيّر عقلية اللعيبة ويخليهم يحلموا من تاني.
