سوبر هاتريك تاريخي.. ساديو ماني يولّعها ويقود النصر للانتصار الكبير
تاريخ النشر:
منذ 1 يوم
ساديو ماني أخيرًا عملها! وسجل “سوبر هاتريك” لأول مره في تاريخه الكروي، في مباراة النصر ضد الأخدود اللي انتهت بتسعة أهداف نظيفه للعالمي، ضمن منافسات الجولة 31 من دوري روشن السعودي.
الرباعيه دي مش بس أرقام، دي لحظه فارقه في مسيرة نجم كبير زي ماني، اللي سبق له إنه سجّل “هاتريك” 8 مرات قبل كده، لكن عمره ما سجل أربع أهداف في ماتش واحد، وده بيخلي اللي حصل قدام الأخدود إنجاز شخصي ضخم بالنسباله.
الكل كان بيتكلم عن تذبذب مستوى ماني من وقت ما وصل للنصر، بس واضح إنه بدأ يرجع بقوه، والأداء اللي قدمه في الماتش ده بيأكد إنه لسه عنده كتير يقدمه، خصوصًا مع دخوله الفورمه في التوقيت الحاسم من الموسم.
جماهير النصر فرحانه، والكل بيتأمل في إن ساديو يكمّل بنفس المستوى عشان يساعد الفريق في المنافسه على كل البطولات الجايه، محليًا وقاريًا.
أحدث الأخبار
saudionportal.com
