مانشستر سيتي يزاحم بايرن ميونخ على ضم فلوريان فيرتز رسميًا!
واضح إن الصيف ده حيكون مولّع عالآخر، وفلوريان فيرتز هيكون في قلب الحدث!
الصحفي الألماني كريستيان فالك كشف إن مانشستر سيتي دخل بقوه على خط المفاوضات، وقدّم عرض رسمي علشان يضم النجم الشاب من باير ليفركوزن.
الموضوع جاي بعد ما فيرتز ووالده تراجعوا عن اتفاق كان شبه نهائي مع بايرن ميونخ، وده اللي أكدته صحيفة بيلد، بعد ما إدارة ليفركوزن واجهت والد اللاعب، اللي طلع وقال إن مفيش أي حاجه رسميه وإن فلوريان لسه فاتح باب التفاوض مع أندية تانيه.
هنا استغل السيتي الفرصه، وقرر يتحرك بسرعه علشان يخطف الموهبة الألمانية قبل ما البايرن يصحى ويقدم عرضه، خصوصًا وإن بايرن لسه ماقدمش أي عرض رسمي، بس فيه كلام إنهم بيجهزوا عرض ممكن يوصل لـ100 مليون يورو!
فيرتز يعتبر من أبرز نجوم الدوري الألماني في الموسم اللي فات، ومتابعينه من كل مكان في أوروبا، فلو راح السيتي تحت قيادة جوارديولا، أكيد هنشوفه بينفجر أكتر ويطوّر لعبه.
الصراع ده لسه في بدايته، والميركاتو الجاي هيكشف كتير.. بس واضح إن السيتي مش ناوي يسيب اللعبه لبايرن لوحده.
